स्पेनिस महारथी रियाल म्याड्रिडले स्पेनिस ला लिगामा सेभिल्लालाई पराजित गरेको छ ।

आइतबार राति भएको प्रतिस्पर्धात्मक खेलमा रियालले सेभिल्लालाई उसकै मैदानमा १–० ले पराजित गरेको हो । रियलको जितमा फरवार्ड करिम बेन्जिमाको गोल निर्णायक बन्यो ।

 ६४औं मिनेटमा ड्यानियल कार्भाहलको पासमा बेन्जिमाले गोल गर्दै रियाललाई खेलमा अग्रता दिलाए । ६९औं मिनेटमा लुकास ओकाम्पसको प्रहार क्रसबारमा लागेर फर्कदा सेभिया बराबरीबाट चुक्यो । ८८औं मिनेटमा जेभियर हर्नान्डेजले बराबरीको गोलको मौका खेर फाल्दा रियाल १–० ले विजयी हुन सफल भयो ।

जितसँगै रियाल अंक तालिकामा दोस्रो स्थानमा उक्लिएको छ । शीर्षस्थानका एथ्लेटिको बिल्वाओसँग समान ११ अंक रहेपनि रियाल गोल अन्तरमा दोस्रो स्थानमा रहेको हो । सेभिल्ला १० अंकसहित पाँचौ स्थानमा छ ।

ला लिगाको अन्य खेलमा मलोर्काले गेटाफेलाई ४–२ गोलले पराजित गर्यो,स्पान्योलविरुद्ध रियल सोसिडाड १–३,एथ्लेटिको बिल्वाओविरुद्ध डिर्पोटिभो अलाभेस २–० ले बिजयी हुँदा भ्यालेन्सियासँग लेगानेस १–१को बराबरी रोकियो ।