काठमाडौं । जलविद्युत् आयोजनाहरूले वातावरणीय अध्ययन मूल्यांकन (ईआईए) प्रतिवेदन कपी–पेस्ट गर्ने गरेको ऊर्जा, जलस्रोत तथा सिँचाइ मन्त्री वर्षमान पुनले बताएका छन् । आयोजना निर्माणपूर्व गर्नुपर्ने यस्तो अध्ययन नगरीे अन्य आयोजनाको प्रतिवेदनमा आप्mनो आयोजनाको नाम मात्रै फेरेर बुझाएको भेटिएको मन्त्री पुनको भनाइ छ । 

पूर्वाधार तथा औद्योगिक आयोजनाहरूका ईआईएमाथि प्रश्न उठिरहेका बेला सरकारका मन्त्रीले नै ईआईएको विश्वसनीयतामाथि  उठाएको सम्भवतः यो पहिलोपटक हो । सामान्यतया ईआईएमा आयोजना विकासपूर्व सम्बद्ध क्षेत्रको भौतिक, जैविक, आर्थिक, सामाजिक तथा सांस्कृतिक पक्षहरूको अध्ययन गरी आयोजना विकासले उक्त पक्षमा के कस्ता प्रभाव पार्छन् भन्ने केलाइन्छ ।