काठमाडौं । नेपाली कांग्रेसको भ्रातृ संस्था नेपाल तरुण दलमा विवाद चुलिँदै गएको छ । अध्यक्ष जीतजंग बस्नेतले महासचिव भुपेन्द्रजंग शाहीसँग समन्वय नै नगरी जिल्ला कार्यसमितिहरुलाई परिपत्र गरेपछि चर्किएको विवाद पछिल्लो समय उत्कर्षमा पुगेको छ । 

मातृ पार्टी कांग्रेसले सुरु गरेको दोस्रो चरणको राष्ट्रिय जागरण अभियानलाई ‘नौटंकी’ भन्दै आएका महासचिव शाहीले बिना कुनै निर्णय जागरण अभियानको पहिलो दिन संगठनले कारवाही गरेका व्यक्तिको निलम्बन फुकुवा गरेका छन् । यस्तै, उनले अध्यक्ष बस्नेतसँग कुनै सल्लाह नगरेर आफू निकटका तरुण नेतालाई जिल्ला अध्यक्षको जिम्मेवारी दिएको बताइएको छ ।