काठमाडौं । सिंगापुरमा सम्पन्न आईसीसी टी-ट्वान्टी विश्वकप छनोट अन्तर्गतको एसिया फाइनल खेलेको नेपाली राष्ट्रिय क्रिकेट टिम सोमबार स्वदेश फर्कदै छ ।

प्रतियोगितामा उपाधिको प्रमुख दाबेदार नेपाल सिंगापुरसँग लज्जास्पद हार व्यहोर्दै तेस्रो भएको थियो।

आइतबार भएको निकै महत्वपूर्ण खेलमा नेपाल सिंगापुरसँग ८२ रनले पराजित भएको थियो। यो सँगै आगामी दुई महिनापछि हुने विश्वकप क्वालिफायरमा खेल्न बञ्चित भएको छ।

सिंगापुरसँग पराजित भएसँगै नेपालको अष्ट्रेलियामा अर्को वर्ष आयोजना हुने टी-ट्वान्टी विश्वकप खेल्ने सपना सकिएको थियो।

नेपाली राष्ट्रिय टोलीका टिम म्यानेजर रमण सिवाकोटीका अनुसार नेपाली टिम आज राति साढे १० बजे काठमाडौं आइपुग्ने कार्यक्रम छ।