काठमाडौं । सिंगापुरमा जारी आईसीसी टी-ट्वान्टी विश्वकप छनोट अन्तर्गतको एसिया फाइनलको पहिलो खेलमा नेपालले कतारलाई १२३ रनको लक्ष्य दिएको छ ।
ईण्डियन एसोसियसन क्रिकेट मैदानमा टस जितेर पहिले ब्याटिङ गरेको नेपालले २० ओभरमा अलआउट हुँदै १२२ रन बनायो ।
नेपालको लागि दिपेन्द्र सिंह ऐरीले सर्वाधिक ३४ रन बनाए । यस्तै कप्तान पारस खड्काले २८ रन जोड्दा उपकप्तान ज्ञानेन्द्र मल्लले २३ रन बनाए । सोमपाल कामी ११ र शरद भेषवाकरले ९ रन जोडे ।
नेपालको लागि ओपनिङ गर्न आएका पारस खड्का र ज्ञानेन्द्र मल्लले पहिलो विकेटको लागि ४९ रनको साझेदारी गरे।
छैठौं ओभरको अन्तिम बलमा पारस इनाम उल हकको बलमा आउट भए जस अघि उनले १७ बलमा ४ चौका र १ छक्का मदतले २८ रन बनाएका थिए।
४९ रनको साझेदारी टि-२० अन्तर्राष्ट्रियमा नेपालको सर्वाधिक ओपनिङ साझेदारी समेत हो।
सन् २०१४ टि-२० विश्वकपमा सुबास खकुरेल र सागर पुनले ३६ रनको साझेदारी गरेका थिए।
पारसको विकेट पछि नेपालले दोश्रो विकेटको रुपमा ज्ञानेन्द्र मल्ललाई पनि नवौं ओभरमा गुमाउन पुग्यो।
उनले२४ बलमा २३ रन बनाए जुन क्रममा २ चौका र १ छक्का प्रहार गरे।
लगातार विकेट गुमाउने क्रममा शरद भेसावकरलाई पनि सज्जादले ७ रनको स्कोरमा आउट गरे। पाँचौ नम्बरमा आएका सोमपाल कामि पनि ११ रन बनाएर रन आउट हुन् पुगे। बिनोद भण्डारी पनि ७ बलमा ३ रन बनाएर आउट भए।
चौथो नम्बरमा ब्याटिंग गर्दै एक किनार सम्हालीरहेका दिपेन्द्र एरि १९ औं ओभरमा ३४ रन बनाएर नौमन सरवारबाट बोल्ड हुन पुगे। ३५ बलमा उनले १ चका र १ छक्का प्रहार गरे।
करन केसी ( ४ ) , सन्दिप लामिछाने ( ९ ) , बसन्त रेग्मी ( १ ) र अविनाश बोहरा ( १ ) ले पनि तल्लो क्रममा खास योगदान दिन सकेनन्।२० ओभरको चौथो , पाँचौ र छैठौं बलमा नेपालले लगातार ३ विकेट गुमाएको थियो।
२० ओभरमा सबै विकेट गुमाएर १२२ रन बनाउदै कतारलाई नेपालले १२३ रनको लक्ष्य प्रस्तुत गर्यो।
कतारको बलिंगमा इकबाल हुसेनले सर्वाधिक ३ विकेट ( ४-०-२१-३ ) लिए। यस्तै तमुर सज्जाद ( ४-०-१४-२ ) र नौमन सरवार ( २-०-१७-२ ) ले २/२ विकेट लिए।
.jpg)
.JPG)
