सर्लाही– जिल्लास्थित भारतिय सीमा नाकाबाट रातभर अवैध सामानहरु आयात एवं निर्यात हुने गरेको स्थानीयले बताएका छन्। दिनभर सुरक्षा निकायबाट अत्यन्त कडाई हुने सिमा क्षेत्रमा रातभरी भने तस्कर समूहले निर्वाध रुपमा अवैध सामानहरु आयात एवं निर्यात गर्ने गरेको स्थानीयको गुनासो छ। जिल्लास्थित संग्रामपुर, त्रिभुवननगर, खुटौना, सिमराफेनरा, मधुवनी, बहादुरपुर, बलरालगायत नाकामा रातभर तस्कर समूहको सामान ओसार्नेको भिड लाग्ने गरेको छ।

सीमा क्षेत्रको सुरक्षार्थ सशस्त्र प्रहरी बोर्डर आउट पोष्ट एवं नेपाल प्रहरीको सीमा प्रहरी चौकीका सुरक्षाकर्मीहरु नै तस्करीको सामान स्कर्टिङ्गमा खट्ने गरेको स्थानीयको गुनासो छ। दिउँसो घरायसी प्रयोगका लागि थोरै सामान ल्याउनसमेत सर्वसाधारणलाई कडाई गर्ने सशस्त्र प्रहरी र नेपाल प्रहरी आफैं रातभर भने तस्करीको सामान  स्कर्टिङमा खटिने गरेका छन्।