नेपाल कम्युनिस्ट पार्टी (एकीकृत समाजवादी) उपमहासचिव एवं सांसद मेटमणि चौधरीविरुद्ध बैङ्किङ कसुरमा जाहेरी परेको छ।
दाङ क्षेत्र नम्बर १ बाट निर्वाचित सांसद चौधरीविरुद्ध चेक अनादरमा जाहेरी परेको जिल्ला प्रहरी कार्यालय दाङले जनाएको छ।
प्रहरीका अनुसार हुलाक मार्फतबाट सांसद चौधरीविरुद्ध चेक अनादरमा जाहेरी परेको र प्रमाणित गर्ने चरणमै रहेको छ। प्रहरी स्रोतका अनुसार सांसद चौधरीविरुद्ध ५ करोड ४० लाखको चेक अनादरको जाहेरी परेको हो।
उजुरीकर्ताको विवरण प्रहरीले खुलाएको छैन।
