थाइल्याण्डको औपचारिक भ्रमणमा रहेका प्रधानमन्त्री केपी शर्मा ओली र थाइल्याण्डकी प्रधानमन्त्री पेथोङ्थान् शिनावात्राबीच बुधबार भेटवार्ता भएको छ।
थाइल्याण्डको सरकारी भवनमा समकक्षी शिनावातले ओलीलाई स्वागत गरेकी थिइन्।
भेटवार्तामा प्रधानमन्त्री ओलीसँथै परराष्ट्रमन्त्री डा. आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक विकास सल्लाहकार डा. युवराज खतिवडा, मुख्यसचिव एकनारायण अर्याल, परराष्ट्र मन्त्रालयका सचिव अमृतबहादुर राईलगायत सहभागी थिए।
परराष्ट्र मन्त्रालयका अनुसार भेटवार्तापछि संस्कृति र पर्यटनका क्षेत्रमा सहकार्यसम्बन्धी सम्झौतापत्रमा हस्ताक्षर र दुई देशबीचका गैरसरकारी र व्यावसायिक संस्थाबीच विभिन्न छ सहमतिपत्र आदाप्रदान भएको छ।
यो पनि-
दुवै प्रधानमन्त्रीले संयुक्त पत्रकार सम्मेलनपछि प्रधानमन्त्री ओलीको सम्मानमा समकक्षी शिनावात्राले दिवाभोज आयोजना गरेकी छन्।
प्रधानन्त्री ओलीले आजै थाइ नरेश महा बजिरालोङकर्नसँग शिष्टाचार भेट गर्ने तय भएको छ।
