सत्तारुढ दलहरूको बैठक सुरु भएको छ।
मंगबार अपराह्न प्रधानमन्त्री निवास बालुवाटारमा सत्तारुढ दलको बैठक सुरु भएको प्रधानमन्त्रीको सचिवालयले जनाएको छ।
बैठकमा प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा, गृहमन्त्री रमेश लेखक, एमाले वरिष्ठ उपाध्यक्ष ईश्वर पोखरेल, जनमत पार्टीका अध्यक्ष सीके राउत, नागरिक उन्मुक्ति पार्टीकी अध्यक्ष रन्जिता श्रेष्ठ, लोसपाका अध्यक्ष महन्थ ठाकुरलगायत गठबन्धन दलका नेताहरू सहभागी छन्।
बैठकको एजेन्डा गोप्य राखिएको छ। हिजो मात्रै नेपाल विद्युत प्राधिकरणका प्रमुख कार्यकारी अधिकृत कुलमान घिसिङलाई हटाउने मन्त्रिपरिषद बैठकको निर्णय गरेको थियो। बैठकमा उक्त विषयका साथै राजावादीहरूको सक्रियताबारे छलफल हुने स्रोतले बतायो।
