नेकपा एकीकृत समाजवादी पार्टीका वरिष्ठ नेता झलनाथ खनालले अहिले मुलुकमा अध्यादेशमार्फत कानुन ल्याउनुपर्ने कुनै आवश्यक्ता नभएको बताएका छन्।
मंगलबार जनकपुरधाममा समाजवादी प्रेस संगठनले आयोजना गरेको पत्रकार सम्मेलनमा बोल्दै वरिष्ठ नेता खनालले अध्यादेश ल्याउनुको कुनै तुक नरहेको भन्दै अध्यादेशलाई आफ्नो पार्टीले कुनैपनि हालतमा स्वीकार नगर्ने दावी गरे।
उनले भने, ‘अध्यादेश ल्याउन के जरुरी छ, जबकि संविधान अन्तर्गतका कुनैपनि ऐनहरू सामान्यरुपमा बनाउन सकिन्छ। त्यसलाई कसैले अवरोध गरेको छैन। अवरोध नभएको वेलामा अध्यादेश ल्याउन आवश्यक छैन। हाम्रो पार्टी र संसदीय दलले यो अध्यादेशलाई समर्थन गरेको छैन्।’
