सत्तारुढ नेकपा एमालेको केन्द्रीय सचिवालय बैठक आज बस्दैछ। पार्टी कार्यालय च्यासमा दिउँसो २ बजेका लागि बैठक बोलाइएको हो।
बैठकमा समसामयिक राजनीति, संसदमा बिचाराधीन विधेयकलगायतका विषयमा छलफल हुनेछ।
संसदमा पेश भएका विधेयकहरूबारे सत्तारुढ दलभित्रै विवाद छ भने विपक्षीहरूले त्यसको विरोध गरिरहेका छन्। संसदको हिउँदे अधिवेशन सुरु हुनुभन्दा केही दिनअघिमात्रै प्रधानमन्त्री केपी शर्मा ओली नेतृत्वको सरकारले केही विधेयकहरू ल्याएको थियो।
आजै जनता समाजवादी पार्टी नेपालको केन्द्रीय समिति बैठक पनि सुरु हुँदैछ।
तीन दिनसम्म चल्ने बैठकमा गत भदौ महिनादेखि पार्टीले सञ्चालन गरेको ‘जनतासँग जसपा नेपाल, आधारभूत संगठन निर्माण अभिायान’ को समीक्षा हुने पार्टीले जनाएको छ।
बैठकमा राजनीतिक परिस्थिति तथा सरकारले ल्याएका ६ अध्यादेशबारे छलफल गर्ने तयारी छ।
