नागरिक उन्मुक्ति पार्टी (नाउपा)का संरक्षक रेशमलाल चौधरीले सीके राउत नेतृत्वको जनमत पार्टीसँग एकता हुने संकेत गरेका छन्।
आइतबार बाबुराम भट्टराई नेतृत्वको नेसपा (नयाँशक्ति)को महाधिवेशन उद्घाटन शत्रलाई सम्बोधन गर्दै उनले दुई पार्टीको चाँडै एकता हुने संकेत गरेका हुन्।
उनले डा. राउत र आफूहरू मुठ्ठी कसेर अगाडि बढिरहेको सन्दर्भ उल्लेख गर्दै अब प्रयोग गर्न मात्र बाँकी रहेको र सन्दर्भ आफैं बुझ्न भन्दै एकताको संकेत गरेका हुन्। त्यस्तै उनले नेसपा नयाँशक्ति, विवेकशील साझा, नाउपा र जनमत पार्टी मिलेर अगाडि बढ्नुपर्ने बताए।
उनले भने, ‘अगाडि हुनुहुन्छ डा. सीके राउत, उहाँ र हामी मुठ्ठी कसेर हात समातिसकेका छौं। अब प्रयोग गर्नमात्रै बाँकी होला। सन्दर्भ आफैं बुझ्नुस्।’
