प्रधानमन्त्री केपी शर्मा ओलीले २०८० को दशक समृद्धिको दशक बन्नुपर्ने बताएका छन्।
बिहीबार प्रतिनिधि सभाको हिउँदे अधिवेशनको पहिलो बैठकमा बोल्दै ओलीले विगतका दशक द्वन्द्व र शान्ति स्थापना तथा भूकम्प र पुनर्निर्माणमा खर्चिएकाले अब मुलुक समृद्धिको बाटोमा हिँड्नुपर्ने बताए।
उनले भने, ‘यस दशकलाई खेर नफालौं। अबको दशकलाई विकासको दशक बनाउँन देशलाई स्थिरता दिऔं। यसको लागि हामीले संविधान, ऐन र कानुनमा जहाँ जे संशोधन र परिवर्तन गर्नुपर्छ, हुनुपर्छ।’
उनले संविधान असंशोधनीय विषय नभएकोले संविधान बनाएको १० वर्ष पनि भइसकेकोले रिभ्यु गर्ने बेला भएको बताए।
