नेकपा एमालेले पोखरा महानगरको नगरसभा बहिष्कार गरेको छ।
विशेष नगरसभाको निर्णय कार्यान्वयन नभएको भन्दै सोमबार बसेको १६ औं नगरसभा बहिष्कार गरेको हो। बैठक सुरु भएलगत्तै एमालेका जनप्रतिनिधिहरूले सिटबाट उठेर नगरसभामा अवरोध गरेका थिए।
एकछिनको रस्साकस्सीपछि एमाले जनप्रतिनिधतिहरू नगरसभा बहिष्कार गर्ने भन्दै बाहिरिएका थिए।
पोखरा नगरसभामा सत्ता गठबन्धनमा खटपट देखिएको छ। एमालेले सभा बहिष्कार गरे पनि सत्ता गठबन्धनकै अर्को दल कांग्रेसका जनप्रतिनिधिहरूले भने सभामा बहुमत रहेको भन्दै बैठक चलाउन दवाब दिएका छन्।
बैठक अपराह्न सवा ४ बजेसम्म स्थतित गरिएको छ।
.jpg)
