सुत्केरी आमालाई सेनाको हेलिकोप्टरमार्फत उद्धार

मुगुकी एक सुत्केरी आमाको नेपाली सेनाको हेलिकप्टरबाट उद्दार गरिएको छ। 

जिल्ला अस्पताल मुगुले सुत्केरी गराउन नसकेपछि छायाँनाथ रारा नगरपालिका–१३ लुमा गाँउकी २५ वर्षीया ठुमा खड्कालाई हेलिकोप्टरमार्फत उद्धार गरिएको हो। 

उनलाई बिहीबार रातीदेखि सुत्केरी बेथा लागेको थियो। बिहान मात्र उनी जिल्ला अस्पताल पुगेकी थिइन्।

तर जिल्ला अस्पताल ठिनीमा आईसियु कक्षको व्यवस्था नहुँदा हेलिकोप्टरमार्फत उद्धार गरेर कर्णाली प्रदेश अस्पतालमा सुर्खेतमा लगिएको हो।

जिल्ला अस्पताल मुगुका प्रमुख डाक्टर निर्मल नगरकोटीका अनुसार उद्धार गरिएकी महिलाको दुई वर्षअघि अप्रेसन गरेर बच्चा निकालिएको थियो।

यस पटक पनि सर्जरी गर्नुपर्ने भएपछि सुर्खेत पठाइएको उनले बताए।

प्रकाशित मिति: : 2025-01-16 19:12:00

प्रतिकृया दिनुहोस्