परराष्ट्रमन्त्री आरजु राणा देउवाले कतारका विदेश राज्यमन्त्री महम्मद बिन अब्दुलअजीज अल खुलाइफीसँग कुराकानी गरेकी छन्।

मंगलबार बिहान भएको टेलिफोन वार्तामा राणाले हमासले बन्दक बनाएका नेपाली विद्यार्थी विपिन जोशीको रिहाइका लागि कतारसँग सहयोग मागेकाे परराष्ट्र मन्त्रालयले जनाएकाे छ। 

कुराकानीका क्रममा कतारका मन्त्री खुलाइफीले हमासलाई इसराइलसँग युद्धविराममा ल्याउने विषय सकारात्मक रुपमा अघि बढिरहेको जानकारी गराएका थिए। 

हामासले रिहा गर्न लागेको बन्दकको हालै प्रकाशित सूचीमा भने विपिनको नाम छैन।