नेपाली कांग्रेसका नेता शेखर काेइरालालाई महामन्त्री गगनकुमार थापाले नेपाली कांग्रेस डुब्छ भन्ने कसले चलायाे भन्दै प्रश्न गरेका छन्। साथै उनले कांग्रेस पार्टी डुब्न नदिने बताए।
शनिबार पोखरामा आयोजित अभिमुखीकरण कार्यक्रममा उनले बेला–बेलामा पार्टीका नेताले अधिवेशन नै नहुने खतरा, पार्टी नै डुब्ने खतरा भनेर चर्चा गर्नुको अर्थ नभएको बताए।
‘पञ्चायतको प्रतिबन्धित कालमा समेत पार्टी सञ्चालन गरेर आएका हामी अहिले यस्तो आनन्दको अवस्थामा छौं। बेला–बेलामा पार्टीको नेताले भनेको सुनिन्छ, अधिवेशन नै नहुने खतरा छ, पार्टी नै डुब्ने खतरा छ’, उनले भने ‘कहाँबाट कसले डुबाउँछ पार्टी, त्यसै डुब्दैमा पार्टी। हामी बचाउँछाैं।’
संस्थापन इतरपक्ष शेखर काेइरालाले पार्टीमा महाधिवेशन नहुने खतरा रहेकाे भन्दै देश दाैडाहमा छन्। उनले देश दाैडाहका समयमा पार्टी विधिवधानमा चलेन भने डुब्ने खतरा रहेकाे बताउँदै आएका छन।
