काठमाडाैँकाे पिंगलास्थानस्थित एक हाेटलमा मृत फेला परेकी २३ वर्षीया सुस्मिता खड्कासँगै बसेर फरार भएका युवक झुन्डिएको अवस्थामा मृत फेला परेका छन्।
ओखलढुंगाका देवबहादुर थापा शनिबार झुन्डिएको अवस्थामा मृत फेला परेकाे जिल्ला प्रहरी कार्यालय ओखलढुङ्गाले जानकारी दिएकाे छ।
ओखलढुंगाकै सुनकोसी गाउँपालिका–३ सिस्नेरीमा उनी झुन्डिएको अवस्थामा फेला परेका हुन्। उक्त घटनामाथि अनुसन्धान भइरहेकाे जिल्ला प्रहरी कार्यालय ओखलढुंगाका डिएसपी कृष्ण खड्काले जानकारी दिए।
देवबहादुर र सुस्मिता पिंगलास्थानस्थित वाग्मती होटेलको ३०८ नम्बर कोठामा सँगै बसेकाेमा सुस्मिता बिहीबार मृत फेला परेकी थिइन्।
उनकाे मृत्युकाे कारण अझै खुलेकाे छैन। प्रहरीले देवबहादुरले हत्या गरेकाे हुन सक्ने भन्दै उनकाे खाेजी गरिरहेकाे थियाे।
