काठमाडौँको पिंगलास्थानस्थित एक होटलमा युवती मृत फेला परेकी छन्।
पिंगलास्थानकाे बागमती होटलकाे कोठा नम्बर ३०८ मा युवती मृत अवस्थामा फेला परेको जिल्ला प्रहरी परिसर काठमाडौँले जनाएको छ।
प्रहरीका अनुसार मृत भेटिनेमा कागेश्वरी मनोहरा नगरपालिका घर भएकी २३ वर्षीया सुस्मिता खड्का रहेकी छन्।
उनी मंगलबार उक्त होटलमा पुगेको र बुधबार दिउँसोसम्म पनि ढोका नखुलेपछि होटल सञ्चालकले प्रहरीलाई खबर गरेका थिए।
प्रहरीका अनुसार ढोका फुटाएर हेर्दा उनी मृत अवस्थामा भेटिएकी हुन्। युवती शव पोष्टमर्टमको लागि टिचिङ अस्पताल पठाइएको छ।
घटनाबारे जिल्ला प्रहरी परिसर काठमाडौं, काठमाडौँ उपत्यका अपराध अनुसन्धान कार्यालय र प्रहरी वृत्त गौशालाले अनुसन्धान गरिहेकाे छ।
