रौतहटको राजदेवी नगरपालिका वडा नम्वर ५ स्थित पासवान टोलमा आगलागी हुँदा २५ भन्दा बढी फुसको घर जलेर नष्ट भएको छ।

स्थानीय बाबुलाल हजराको घरमा विद्युत सर्ट भइ लागेकाे आगोबाट हजरा नजिकै रहेको दिपेन्द्र पासवान, प्रदिप पासवान, रामनाथ हजरासहितका घर पूर्णरुपमा जलेको छ।

आगलागी भएको खबर पाउनासाथ प्रहरी चौकी ब्रम्ह्पुरी, सशस्त्र प्रहरीको विओपी बेलविछवा र गौर नगरपालिकाको बारुण यन्त्र घटनास्थल पुगेको थियो।

आगो मध्यराति लागेका कारण क्षति बढी भएको प्रहरीले अनुमान गरिएको छ। घरमा राति सुतेको बेलामा आगलागी भएकाले सरसामान निकाल्न नपाएको प्रहरीले बताएको छ।

यद्यपि मानवीय क्षति नभए पनि लता कपडा, अन्नलगायत जलेको प्रहरीले जानकारी दिएको छ।

आगलागीबाट के कति क्षति भएको छ, सोको विवरण संकलन भइरहेको जिल्ला प्रहरी कार्यलय रौतहटले जनाएको छ।