शिक्षकले अश्लील म्यासेज पठाएको भन्दै कोहलपुरमा विद्यार्थी आन्दोलित भएका छन्।
त्रिभुवन माध्यामिक विद्यालय कोहलपुर बाँकेका गणित विषयका शिक्षक रामबहादुर थारुले छात्रालाई अश्लील म्यासेज पठाएको र उनीमाथि कारबाही हुनुपर्ने भन्दै विद्यार्थीहरू सडकमा आन्दोलित भएका हुन्।
विद्यार्थीहरूले कोहलपुर नगरपालिकामा प्रदर्शन गरेका छन्। प्रदर्शनका समयमा विद्यार्थीहरू तोडफोडमा उत्रिएपछि केहीलाई प्रहरीले पक्राउ गरेको छ।
