नेपाली युवा लक्षित चीनको नयाँ कार्यक्रम, विज्ञ के भन्छन्?

बिबिसी

काठमाडौं

• • •

चीनले नेपालका ‘देशभक्त’ र ‘अग्रणी’ युवाहरूलाई 'सशक्तीकरण गर्ने' उद्देश्यसहित एउटा आदानप्रदान कार्यक्रम घोषणा गरेपछि त्यसलाई लिएर विभिन्न प्रतिक्रियाहरू व्यक्त भएका छन्।

सामाजिक सञ्जाल एक्समा काठमाण्डूस्थित चिनियाँ राजदूतले 'नेपालको सामाजिक र आर्थिक विकास र रूपान्तरणमा प्रतिवद्ध युवाहरूलाई उक्त कार्यक्रमका लागि आवेदन गर्न' भनेका छन्।

नेपालको दक्षिणी छिमेकी भारत र अमेरिकासहित कतिपय पश्चिमा देशहरूले पनि युवा लक्षित आदानप्रादानका विभिन्न कार्यक्रमहरू वर्षौँदेखि सञ्चालन गरिरहेका छन्।

यस्ता गतिविधिलाई 'जनस्तरमा कूटनीतिक सम्बन्ध विस्तार गर्ने अभ्यास' का रूपमा हेर्ने गरिएको भएपनि एक जना पूर्व राजदूतले सरकारसँगको समन्वयमा मात्र मित्रराष्ट्रहरूले यस्ता कार्यक्रमहरू सञ्चालन गर्नुपर्ने टिप्पणी गरेका छन्।

• • •