नेपालले काठमाडौँमा जारी काभा वुमन्स नेसन्स भलिबल लिगअन्तर्गत भारतमाथि सानदार जित हासिल गरेको छ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा शनिबार सम्पन्न खेलमा नेपालले भारतलाई ३-२को सेटमा पराजित गर्याे।

नेपाली महिला भलिबल टिमले पहिलोपटक भारतलाई पराजित गरेको हो।

यो जितपछि नेपालले २ अंक हासिल गरेको छ। भने, भारतले एक अंक हासिल गरेको छ। यो जितपछि नेपालको २ खेलमा ५ अंक भएको छ। भने, भारतको ३ खेलमा ७ अंक भएको छ।

यसअघि बिहीबार भएको उद्घाटन खेलमा नेपालले श्रीलंकालाई ३-०को सोझो सेटमा पराजित गरेर प्रतियोगितामा विजयी सुरुवात गरेको थियो।

आजको खेलपछि नेपालले आफ्नो तेस्रो खेल आइतबार साँझ ५ : १५ बजेदेखि इरानसँग खेल्ने छ।

त्यस्तै नेपालले आफ्नो लिग चरणको अन्तिम खेल सोमबार ५: १५ बजेदेखि माल्दिभ्सविरुद्ध खेल्ने तालिका रहेको छ।