कान्तिपुर मिडिया ग्रुपका अध्यक्ष कैलाश सिरोहियालाई ३ दिन हिरासतमा राख्न जिल्ला अदालत धनुषाले अनुमति दिएको छ।
बुधबार जिल्ला अदालतका न्यायाधीश चुडामणि खड्काको इजलासले सिरोहियालाई ३ दिन हिरासतमा राखेर अनुसन्धान गर्न अनुमति दिएको हाे।
जिल्ला अदालत धनुषाले सिरोहियाविरूद्ध मंगलबार मात्रै पक्राउ पुर्जी जारी गरेको थियो। काठमाडाैँ उपत्यका अपराध अनुसन्धान कार्यालयको टोलीले मंगलबार साँझ थापाथलीस्थित कान्तिपुर पब्लिकेसन्सकाे कार्यालयबाटै पक्राउ गरेर धनुषा लगेकाे थियाे।
उनीविरूद्ध दुई वटा नागरिकता लिएको आरोपमा धनुषा प्रहरीले अनुसन्धान गरिरहेको थियो।
