प्रमुख प्रतिपक्षी दल नेपाली कांग्रेसले संसद्को दोस्रो बैठक पनि अवरुद्ध गरेको छ।
कांग्रेसले सहकारी ठगी प्रकरणमा उपप्रधान एवं गृहमन्त्री रवि लामिछानेसमेत जोडिएको भन्दै संसदीय छानबिन समिति गठन नगरेसम्म चल्न नदिने अडान राखेर बैठक पनि अवरुद्ध गरेको हाे।
बैठक सुरु हुनासाथ कांग्रेसका सांसदहरुले नाराबाजी गर्दै बेल घेराउ गरेका थिए।
नाराबाजीका बीच सभामुख देवराज घिमिरेले गृहमन्त्री लामिछानेलाई बोल्न समय दिएपछि कांग्रेस सांसदहरुले उनलाई रोष्टममा जानबाट रोकेका थिए।
विपक्षी सांसदको अवरोध कायमै रहेपछि सभामुख देवराज घिमिरेले संसद्को बैठक जेठ १ गतेसम्मका लागि स्थगित गरेका छन्।
