उपनिर्वाचन: एकीकृत समाजवादीले इलाममा राई र बझाङमा सिंहलाई उम्मेदवार बनाउने

नेकपा (एकीकृत समाजवादी)ले वैशाख १५ गते हुने उपनिर्वाचनका लागि उम्मेदवारको टुंगो लगाएको छ।

एकीकृत समाजवादीले इलाममा–२ मा जीतबहादुर राई र बझाङ प्रदेशसभामा दिलबहादुर सिंहलाई उम्मेदवार बनाउने निश्चित भएको एक नेताले बताएका छन्। यद्यपी एकीकृत समाजवादीले आधिकारिक निर्णय गर्न भने बाँकी रहेको छ।

उपनिर्वाचनको लागि मनोनयन दर्ता चैत्र २४ गते हुँदैछ। अहिलेसम्म एमालेले इलाम-२ मा सुहाङ नेम्वाङलाई उम्मेदवार बनाउने निर्णय गरेको छ भने बझाङमा हुने प्रदेशसभा–१ को उपनिर्वाचनमा दमन भण्डारीलाई उम्मेदवार बनाएको छ।

त्यस्तै राष्ट्रिय स्वत्रन्त्र पार्टीले पत्रकार मिलन लिम्बुलाई उम्मेदवार बनाउने तयारी गरेको छ। यसको औपचारिक घोषणा भने चैत्र १७ गते गर्दैछ।

त्यस्तै माओवादी केन्द्रले पनि उपनिर्वाचनमा आफ्नै उम्मेदवार उठाउने निर्णय गरेको छ। बुधबार बिहान बसेको पदाधिकारी बैठकले उम्मेदवार उठाउने निर्णय गरको हो।

प्रकाशित मिति: : 2024-03-27 12:46:00

प्रतिकृया दिनुहोस्