देशभरका गुरूङ समुदायले विभिन्न कार्यक्रम गरी तमु ल्होसार मनाएका छन्। 

तमु ल्होसारको अवसरमा आइतबार टुँडिखेलमा गरुङ समुदायले सांस्कृति कार्यक्रम आयोजना गरेका हुन्। आइतबार बिहान गुरुङ समुदायका मानिसहरूले सांस्कृतिक झाँक्रीसहित र्‍याली निकालेको थियो। त्यसपछि टुँडिखेलमा कार्यक्रम गरेको हो।

तमु ल्होसारलाई गुरूङ समुदायले नयाँ वर्षका रूपमा भव्य तरिकाले मनाउँछन्। पुरानो वर्षलाई बिदाइ गरी नयाँ वर्षलाई स्वागत गर्न तमु ल्होसार मनाउने चलन रहेको छ।

यस दिन हर्षोल्लासका साथ आफ्नो भेषभुषा र नयाँ परिकार ग्रहण गरी नयाँ वर्षलाई स्वागत गर्ने प्रचलन छ। ‘तमु ल्होसार’ पर्व सूर्यको किरणसँग सम्बन्धित छ।