उमेर कीर्ते प्रकरणका कारण विवादमा परेका उपरथी ताराध्वज पाण्डेले राजीनामा दिएका छन्।
पाण्डेले बिहीबार साँझ जंगीअड्डा पुगेर राजीनामा बुझाएका स्राेतले बताएकाे छ। यद्यपि सैनिक मुख्यालयले भने यसबारे औपचारिक जानकारी गराएको भने छैन। आज बेलुकासम्ममा राजीनामा स्वीकृति प्रक्रिया अघि बढ्ने बुझिएको छ।
पाण्डेलाई प्रधानसेनापति बनाउने तयारीका साथ रथीमा बढुवाका लागि सूचना निकालिएको र जङ्गी अड्डाले उमेरमा कुनै कैफियत नरहेको भनी विज्ञप्ति नै निकालेको थियो। तर, दुई वटा नागरिकता रहेको र शैक्षिक प्रमाणपत्रमा समेत किर्ते गरेको पाइएपछि उनी विवादमा परेका थिए।
