बजारमा सुनको मूल्य तोलामा पाँच सय रुपैयाँले घटेको छ।
सोमबार तोलामा छापावाल सुन प्रतितोला एक लाख १६ हजार पाँच सय रुपैयाँमा कारोबार भएको थियो भने मंगलबार एक लाख १६ हजार कारोबार भएको नेपाल सुनचाँदी व्यवसायी महासंघले जनाएको छ।
त्यसैगरी एक लाख १५ हजार नौ सय ५० रुपैयाँमा कारोबार भएको तेजाबी सुन मंगलबार प्रतितोला एक लाख १५ हजार चार सय ५० रुपैयाँ तोकिएको छ।
त्यस्तै, सोमबार तोलामा १४ सय १० रुपैयाँले कारोबार भएको चाँदीको मूल्य मंगलबार १० रुपैयाँले बढेर १४ सय २० रुपैयाँमा कारोबार भइरहेको छ।
