काठमाडाैँबाट सुर्खेत जाँदै गरेकाे बस दुर्घटना भएकाे छ।
साेमबार साँझ काठमाडाैँबाट सुर्खेतकाे लागि छुटेकाे कर्णाली प्रदेश-०२-००१ ख- ०३६२ नम्बरकाे बस मंगलबार बिहान साढे ६ बजे लमही- ९ मा पर्ने अमिलियास्थित शिव खेलामा दुर्घटना भएकाे हाे।
दुर्घटनामा परेर २२ जना घाइते भएका छन्। घाइतेहरुकाे लमही अस्पताल दाङ र मेडिकल कलेज काेहलपुरमा उपचार भइरहेकाे छ।
घाइते हुनेहरुमा सुर्खेतकाे वीरेन्द्रनगर- २ की गंगादेवी पुलामी, उनका छाेरा खगेन्द्र पुलामी, वीरेन्द्रनगर- ४ का पवन खत्री, वीरेन्द्रनगर- १४ का सुनाइल थापा, गाडी मालिक वीरेन्द्रनगरका जितेन्द्र भट्टराई, बर्दियाकाे गुलरीया- ६ की तिलक सुनार, सुर्खेतकाे भेरीगंगा- ७ का रखवीर बस्याललगायत रहेका छन्।
बसमा ४० जना सवार थिए।
बस सडकछेउमा रहेकाे कलभर्डमा ठाेकिएर सडकबाट १० मिटर तल खसेकाे थियाे।
बसका चालक वीरेन्द्रनगर नगरपालिका- ३ का कर्णबहादुर राेका मगर प्रहरी नियन्त्रणमा रहेका छन्।
बस दुर्घटना भएलगत्तै इलाका प्रहरी कार्यालय अमिलियाबाट खटिएकाे सात जना प्रहरीकाे टाेलीले घाइतेकाे उद्दार गरेकाे प्रहरी नायव उपरिक्षक जनकबहादुर मल्लले जानकारी दिए।
