त्रिभुवन विमानस्थलको भन्सार कार्यालयबाट ब्रेक शुमा लुकाएर ल्याइएको सुन बरामद काण्डले अवरुद्ध भएको संसद् खोल्न भएको सहमति बमोजिम अर्को महिना जाँचबुझ आयोग गठन गर्ने भनिएको छ।
तर त्यस्ता जाँचबुझ आयोगको प्रभावकारिताबारे प्रशस्त संशय कायम छ।
त्यस्तो संशय हुनुका पछाडि विगतका त्यस्तै छानबिन समितिका प्रतिवेदन कार्यान्वयनमा नआउनु एउटा प्रमुख कारण हो।
नेपालको इतिहासमा निकै चर्चित एवं विवादित सुन प्रकरण करिब २५ वर्ष अगाडि भएको थियो।
परी थापाको सम्झनामा त्यो काण्ड
विमानस्थलबाट रिकन्डिशन्ड गाडीमा दुबईबाट आएका सुन बाहिरिएको भन्ने उक्त काण्डको बारे धेरै हङ्गामा भएपछि बनेको सर्वदलीय संसदीय छानबिन समितिका संयोजक तत्कालीन जनमोर्चाका सांसद परी थापा अहिले बनाउने भनिएको समितिप्रति पनि आशावादी छैनन्।
