मुम्बईः ‘सेलिब्रेटी’हरुकाे सहरमा मक्किएका घर (तस्बिरहरु)

भारतको पश्चिमी तटस्थित भारतीय राज्य महाराष्ट्रको राजधानी मुम्बईमा आवासको ठुलो समस्या छ। करिब तीन करोड २९ लाख जनसङ्ख्या भएको यो सहरका करिब २९ प्रतिशत मान्छेहरुको आफ्नो घर वा कोठा छैन। यिनीहरु सडकमै बस्छन् र त्यहीँ सुत्छन्। जोसँग घर वा कोठा छ त्यो पनि निकै असुरक्षित छ। समय-समयमा विभिन्न कारणले घर भत्केर जान धनको क्षति हुने गर्छ।

यो सहरमा भाडामा कोठा पाउन निकै कठिन छ र यदी कोठा पायो भने पनि करिब एक सयदेखि एक सय २० बर्ग फुटको कोठाको भाडा स्थानअनुसार प्रतिमहिना आठ देखि १३ हजार भारतीय रुपैयाँ पर्छ। हिन्दी भाषाको सिनेमाको मुख्य स्थानको कारण परिचित यो सहरका बासिन्दामध्ये करिब १३ प्रतिशतसँग मात्र सुरक्षित आवास छ।