गत फागुन १७ गते प्रदेश नम्बर १ को नामकरण भयो । प्रदेश सभाका दुई तिहाइ सांसदको समर्थनमा प्रदेश १ बाट कोशी नामकरण गरिएको थियो । नामकरणदेखि नै कोशी अशान्त छ । पहिचान पक्षधरहरूले कोशी नामकरणको विरोधमा आन्दोलन गरिरहेका छन् । दुई तिहाइ पुर्याउन साथ दिएका कांग्रेस, माओवादी र जसपा पछिल्लो समय नामकरणबाट भाग्ने प्रयत्न गरिरहेका छन् ।
नेकपा (एमाले)का अध्यक्ष केपी ओलीले भने कोशी प्रदेश नामकरणबाट कांग्रेस, माओवादी र जसपा भागे पनि एमाले पछि नहट्ने बताउँदै आएका छन् । कोशी नाम अहिले एमालेलाई ‘पहिचानविरोधी’ करार गर्ने ‘पहिचानवादी अभियान्ता’को नारा बनेको छ ।
