भारतीय पत्रकार सिद्धार्थ वरदराजनको ‘गल्ती सच्याउँदा मिडिया र पाठकबीचको सम्बन्ध बलिया बन्छ’ भन्ने शीर्षकको लेख रातोपाटीमै छापिएपछि मलाई पनि थप्न मन लाग्यो । म त भन्छु, मिडियाले पाठकलाई हेप्ने प्रवृत्ति बन्द नगरेसम्म सम्बन्ध सुधार हुँदैन । तपाईंहरूलाई यसले किन निहुँ खाजेको होला भन्न मन लाग्यो होला । म दुईवटा उदाहरण दिन्छु, चित्त बुभेन भने थप छलफल गरौँला ।
म पनि सञ्चारकै मानिस हुँ तर अहिले सचेतना अभिवृद्धिका क्षेत्रमा सरकारलाई परामर्श सेवा प्रदान गर्दछु । सन् २००९ सम्म समाचार कक्षमै काम गर्थें ।
