अहिले विश्वव्यापी अर्थतन्त्र ठूलो दबाबमा छ। विभिन्न दिशाहरूबाट विश्वअर्थतन्त्रमा प्रहार भइरहेका छन्। अन्तर्राष्ट्रिय मुद्रा कोष (आइएमएफ) र विश्व बैंक समूहको वसन्त बैठकमा भाग लिन वासि्ङटनमा भेला भएका विश्ववित्तका नेताहरूलाई दुवै संस्थाले भविष्यका लागि आर्थिक वृद्धिको आफ्नो पूर्वानुमान कम गरेको समाचारले स्वागत गरे।
भर्खरको विश्व आर्थिक प्रतिवेदनमा आइएमएफले सन् २०२३ का लागि यसअघि गरेको आर्थिक वृद्धिलाई थोरै कटौती गरेको छ। गत जनवरीमा विश्व आर्थिक वृद्धिलाई २.९ बाट घटाएर २.८ प्रतिशत हुने पूर्वानुमान गरेको थियो।
