छिट्टै जिन्दगीको २९ औँ वसन्तमा प्रवेश गर्दैछु। बुबाले छोरो ३० वर्ष पुगिसक्यो भन्ठान्नु भएको २/३ वर्ष नै भइसक्यो।
दुई जना दाजुहरूको २० र २५ वर्षको उमेरमा लगनगाँठो कसाइसक्न सफल हुनु भएका मेरा बुबालाई छोरो छिप्पियो, अब नि बिहे नगर्दिए त यत्तिकै बुङ्गै मर्छ कि क्या हो भन्ने लाग्नु स्वभाविकै हो।
बुबा अचेल पूरै आफन्त, छरछिमेकी सबैतिर व्याप्त रुपमा छोराको लागि उपयुक्त कन्याको खोजिमा हुनुहुन्छ र जसरी पनि छिट्टै यो मोहपाशमा मलाई होम्न तत्परताको साथ जुट्नुभएको छ।
