यो किताब लेख्न सुरू गर्दा किन लेख्ने भन्ने प्रश्नमा म प्रष्ट थिएँ। तर कसरी लेख्ने भन्नेमा थिइनँ।
चार वटा निर्णायक क्षणहरूले 'नुन-तेल' लाई यो रूपमा छापिन सम्भव बनाए।
२०७३ सालमा कुस्माबाट सुरू गरेर बागलुङ, गुल्मी र पाल्पा हुँदै बुटवलसम्म एकल पदयात्रा गरेपछि सेतोपाटीमा एक किस्ता नियात्रा लेखेको थिएँ।
त्यसै क्रममा लाग्यो— यो यात्रा त किताबै लेख्न लायक पो छ त!
यात्राबारे ५० हजारभन्दा बढी शब्द लेख्दा पनि त्यो किताब भने बनेन। शब्द थप्दै गएपछि त्यो किताब बन्छ भन्ने यकिन पनि मलाई भएन।
त्यसैबीच पहिलो निर्णायक क्षण आयो २०७५ सालमा।
