कुनै बेला हूल देखिने त्रिवि र अन्य विश्वविद्यालयमा अहिले विद्यार्थी संख्या ह्वात्तै घटेको छ । यतिसम्म कि अत्यन्तै प्रतिस्पर्धा हुने प्राविधिक विषयमा समेत विद्यार्थी न्यून छन् । विश्वविद्यालयहरूमा विद्यार्थीको चाप किन र कसरी घटिरहेको छ ?
२६ फागुन, काठमाडौं । विश्वविद्यालयहरूमा विद्यार्थी चाप धेरै घट्न थालेको छ । अधिकांश विषयमा भर्नाका लागि प्रतिस्पर्धा नै घटेको छ । सबैभन्दा ठूलो विद्यार्थी संख्या ओगटेको त्रिविमा समेत विद्यार्थीको चाप घटेको छ । त्रिविमा धेरै प्रतिस्पर्धा हुने गरेका प्राविधिक विषयमा समेत विद्यार्थीको चाप न्यून भएको डीन तथा क्याम्पस प्रमुखहरू बताउँछन् ।
त्रिवि बाहेकका अन्य विश्वविद्यालयलाई पनि विद्यार्थी पाउन मुश्किल भइरहेको छ । कतिपयले मुश्किलले कोटा पुर्याएर अध्यापन गराइरहेका छन् भने कतिपय तोकेको कोटाभन्दा कम विद्यार्थी पढाउन बाध्य छन् ।
