तीन भाइ छोरा। शिक्षण पेशाबाट अवकास प्राप्त बुवा र गृहणी आमा। पछि भित्रिएकी जेठी बुहारी, नातिनी। यिनै सात जनाको पारिवारिक कथावस्तुमा बनेको फिल्म हो 'फूलबारी'।
नेपाली परिवेश र पात्रबाहेक फिल्मको कथा बलिउडको चर्चित फिल्म 'बागबान'बाट उठाइएको छ। यो फिल्मलाई बागबानको नेपाली संस्करण भन्दा फरक पर्दैन।
'बागबान' शब्दको नेपाली अर्थ हुन्छ- फूलबारीको हेरचाह गर्ने व्यक्ति। कथा मात्र होइन, यी दुई फिल्मको नाम पनि उस्तै छ भन्दा फरक परेन।
तथापि, लेखक तथा निर्देशकले फिल्ममा चोरीको आरोप नखेप्न गरेको चलाखी भने प्रशंसायोग्य छ। उनले फिल्ममा इमान्दारीपूर्ण चोरी गरेका छन्।
