त्यो उनको मामाको घर थियो। आलिशान बंगला। उनले हिँड्दै आउन भनेकी थिइन्। त्यो पनि अन्धकार रातमा। उनी म त्यहाँ गएको कसैले देखोस् भन्ने चाहन्न थिइन्।
उनको निम्तो म कसरी टार्न सक्थें र! मम्मीलाई साथीको घरमा जाँदैछु भनेर झूट बोलेँ। मोटरसाइकल लगेर एउटा होटलभित्र राखेँ। त्यहाँबाट हिँडेर उनको मामा घर पुग्न झन्डै आधा घन्टा जति लाग्यो। ठाउँ-ठाउँमा कुकुरहरू लखेट्न आए। मेरा विरोधमा गल्ली थर्काउने गरी भुके। म चुपचाप हिँडिरहें। मनमा उनी सवार भइसकेपछि केको डर? मन निकै चञ्चल बनेको थियो।
