माघ ७ गते प्रतिनिधिसभामा उपसभामुख पदको निर्वाचन हुँदै थियो। सदनमा जनाउघण्टी बज्यो। सांसदहरू एकपछि अर्को गर्दै मतदानका लागि भित्र पस्न थाले। तर काखमा ठ्याक्कै दुई महिने छोरी च्यापेर उभिएकी सांसद माया राई अन्योलमा थिइन्।
उनलाई छोरी आफूसँगै भित्र लैजाने अनुमति थिएन। बाहिर छोरी बोकिदिने कोही थिएन।
“अनिवार्य उपस्थिति भनिएको थियो। घरमा बच्चा हेर्ने कोही थिएनन्। त्यसैले उसलाई लिएर गएँ। तर त्यहाँ पुगेपछि समस्या भयो,” नेपाली कांग्रेसकी सांसद राईले सुनाइन्।
