सुरक्षित तथा पूर्ण स्तनपानका लागि आमआमालाई प्रोत्साहन गर्ने स्वास्थ्यकर्मी तथा नर्सले नै अस्पतालमा स्तनपान कक्ष र शिशु स्याहार केन्द्र पाएका छैनन् । सबै सरकारी, गैरसरकारी तथा निजी संघसंस्थाका कार्यालयदेखि विद्यालय, बसपार्क, विमानस्थलजस्ता सार्वजनिक ठाउँमा स्तनपान कक्ष अनिवार्य राख्नुपर्ने व्यवस्था भए पनि ठूला सरकारी अस्पतालमै यसको अभावमा स्वास्थ्यकर्मी तथा नर्सहरू पूर्ण स्तानपान गराउनबाट वञ्चित भएका छन् ।