साढे चार बजेतिर बल्ल दुईजना महिला आए । उनीहरू माओवादी हुन् भन्ने परैबाट चिनिन्थ्यो । एउटीले पाइन्ट लगाएर सानो झोला बोकेकी थिइन् ।
छेउमा आइपुग्दा उनको कम्मरमा पेस्तोल देखियो । उनले परिचय दिँदै भनिन्, ‘म सुनिता ।’
उनको पछिपछि कुर्था लगाएर झोला बोकेकी मंगोलीयन अनुहारकी अर्की युवती थिइन् । उनले परिचय दिँदै भनिन्, ‘म भूमिका ।’
वरैबाट हात बटारेर कसिलो गूड गर्ने उनीहरूको शैली थियो । त्यही दोहोर्याए दुवै जनाले । सुनिता माओवादी लडाकूको सोलु–सल्लेरी छैटौं ब्रिगेडमा कार्यरत रहिछन् ।
