२० अगस्ट १९९२ का दिन भारतीय संविधानको आठौं अनुसूचीमा नेपाली भाषाले मान्यता पाएको हो। यसैले यसपालि पनि हाम्रो गाउँमा ३१औं भाषा दिवस कार्यक्रम भव्यताका साथ चलिरहेको छ।
यस गरिमामय कार्यक्रमका विभिन्न कार्यक्रममध्ये स्वरचित नेपाली कविता पाठ र नेपाली लोकनृत्य प्रतियोगिताले दर्शकहरुलाई आकर्षित गरिरहेको थियो।
कार्यक्रमको अन्तिम चरणमा उद्घोषकबाट प्रतियोगीहरुलाई पुरस्कार वितरणको घोषणा गरिएकाे। घोषणामा भनियाे, 'कार्यक्रमका तीन जना निर्णायकको अनुसार यस स्वरचित कविता वाचन प्रतियोगितामा मणिपुरी भाषी श्री तोम्बा सिंहज्यूले प्रथम स्थान प्राप्त गर्नुभएको छ।'
कार्यक्रममा उपस्थित दर्शकहरुको तालीको गडगडाहटले कार्यक्रमस्थल गुन्जिएको थियो।
