निर्माता सन्तोष सेनविरुद्ध ५ करोड ठगीको आरोप

बहु चर्चित फिल्म ‘प्रेम गीत ३’ का निर्माता सन्तोष सेनविरुद्ध ठगीको उजुरी परेको छ।

उनी विरुद्ध सिक्किमका रामगोपाल राईले ४ करोड ८४ लाख ५० हजार ठगीको आरोप लगाएका छन्। राईले चलचित्र निर्माता संघमा उजुरी दिँदै सेनले सम्झौता अनुसार कार्य नगरेकाे र फोन गर्दा फोन नउठाउने, घरमा जाँदा भेटसम्म नभएकाे बताएका छन्। 

सेनले फिल्मको डिजिटल राईटस् दिन्छु भन्दै आफूसँग पैसा लगेको र पटक–पटक डिजिटल राइटका लागि फिल्मको कपी माग्दा नदिएको राईले उजुरीमा उल्लेख गरेका छन्।

यस सम्बन्धमा निवेदन दर्ता भएर प्रक्रियागत रुपमा अगाडि बढेको निर्माता संघले जनाएको छ। 

प्रकाशित मिति: : 2022-12-02 16:38:00

प्रतिकृया दिनुहोस्