नेपाली कांग्रेसको संगठन विभागका पूर्व उपप्रमुख देवीप्रसाद भट्टचन एमालेले निर्वाचन आयोगमा बुझाएको प्रतिनिधिसभा समानुपातिकको बन्दसूचीमा समावेश गरिएका छन्।
प्रभु समूहका अध्यक्ष रहेका व्यवसायी भट्टचनलाई अघिल्लो कार्यकालमा कांग्रेस सभापति शेरबहादुर देउवाले पार्टीको संगठन विभाग उपप्रमुखमा मनोनयन गरेका थिए। गोपालमान श्रेष्ठ विभाग प्रमुख हुँदा भट्टचन उपप्रमुख बनेका थिए।
बैंकर भट्टचन एमालेको बन्दसूचीमा रहेको एमाले उपमहासचिब प्रदीप ज्ञवालीले पुष्टि गरे। भट्टचनको नाम जनजाति पुरुषतर्फ पहिलो नम्बरमा छ।
बागलुङका भट्टचन सफल व्यवसायी हुन्। बैंक, बीमा, हेलिकोप्टरलगायत क्षेत्रमा उनको व्यवसाय छ।
