आजकल चीनको आर्थिक प्रगतिलाई बडो आश्चर्यको रूपमा चर्चा हुने गर्दछ, अनि भारतलाई पनि त्यसै पंक्तिमा राख्न थालिएको छ । अमेरिकालाई समेत उछिनेर विश्वको सबैभन्दा ठूलो आर्थिक बन्ने अवस्थालाई विद्यमान विश्व व्यवस्थामा भीषण प्रलय मानेर झस्कनेहरू पनि कम छैनन् ।
सन्निकट छिमेकीहरू विश्व शक्तिको शिखरमा चढ्दै गर्दा नेपालको अर्थ-राजनीति कम्पायमान हुनु स्वाभाविक हो, यसलाई अतिरञ्जित त्रासदीको रूपमा लिन जरूरी छ जस्तो लाग्दैन ।
वास्तवमा ऐतिहासिक दृष्टिले चीन र भारत जस्ता विशाल भूभाग र जनसंख्या भएका मुलुक महाशक्तिको हैसियतमा रहनु खासै आश्चर्यको विषय नहुनुपर्ने हो । बरु यिनीहरू कसरी पछाडि धकेलिए, त्यो आश्चर्यको विषय हो ।
