कपिलवस्तुमा अज्ञात समूहको गोली प्रहारबाट एक जनाको मृत्यु भएको छ।
जिल्लाको मायादेवी गाँउपालिका वडा नं ६ मदरहवा बस्ने ५५ वर्षिय राम समुझ भन्ने घुरहु पासीलाई गोली हानेर हत्या गरेको हो।
पासीलाई मायादेवी गाँउपालिका वडा नं. ५ महादेवको एक खाली घरमा गोली हानी हत्या गरिएको प्रहरीले जनाएको छ।
घटनास्थलमा पुगेका प्रहरीको टोलीले शव लाई पोस्टमार्टमका लागि कपिलवस्तु अस्पतालमा लगेको छ।
उक्त घटनाबारे अनुसन्धान हुनका साथै हत्या गर्ने समूहको खोजी भइरहेको प्रहरीले बताएको छ।
