नेपाली चलचित्र क्षेत्रमा ६०/६२ वटासम्म विधामा अवार्ड बाँडिन्छ। आयोजकले स्पोन्सर खोज्छन्। जसले स्पोन्सर खोजिदिन्छन्, जसले विज्ञापन दिलाइदिन्छन्, आयोजकले उसैलाई अवार्ड दिन्छन्। एक प्रकारले भन्नुपर्दा, आयोजकले अवार्ड बेच्छन्।
ती अवार्डहरु त्यतिबेलासम्म बाँडिन्छन् जतिबेलासम्म फेक अवार्डमा अमेरिकाको ‘एक्स्ट्रा अडिनरी भिसा’ पाइन्छ भन्ने पर्छ।
अमेरिका जान पाइने लालसामा बाँडिने यस्ता अवार्डबारे न त कला पत्रकारले उधिनेर लेखेका छन् न त कला विश्लेषकहरुले नै आलोचना गरेका छन्। अर्को पटक आफूले पनि पाउने आशामा अवार्ड वितरणको जति आलोचना हुनुपर्ने हो त्यति भएको देखिँदैन।
