चितवनका ८३ वर्षीय पीताम्बर देवकोटाले निकै प्रयासपछि आज आठ केजी मल पाए। राज्यले यो उमेरमा दिएको सास्तीप्रतिको आक्रोश उनको अनुहारमा प्रस्ट देखिन्थ्यो। ‘समयमा मल पाइँदैन, न चाहिएजति पाइन्छ । बुढो मान्छे हातगोडा कमाउँदै कति लाइनमा बस्ने ? अब सहकारीमा पनि बस्दिनँ,’ उनी भन्दै थिए।
बिहान साढे पाँच बजेदेखि लाइनमा बसेकी सुस्मिता थापामगरले पनि ८ बजे मात्रै मल पाइन्। कम्तीमा २० केजी मल आवश्यक रहेको उनले आठ केजी मात्रै पाइन्। अरूको १५ कट्ठा जमिनमा खेती गर्दै आएको उनको परिवारको आम्दानीको मुख्य स्रोत खेतीपाती नै हो।
